Путин ќе пристигне во Кина со неочекуван подарок за Си

Рускиот претседател Владимир Путин ќе отпатува во Кина на серија политички состаноци, вклучувајќи го и самитот на Шангајската организација за соработка (ШОС) на почетокот на септември. Неговата посета, која ќе трае од 31 август до 3 септември, ќе биде едно од ретките повеќедневни патувања во странство на руски лидер.

Пред неговото пристигнување во Пекинг, Москва направи значаен „гест на добра волја“ кон својот клучен сојузник. Извршниот директор на Ростек, Сергеј Чемезов, потврди дека Русија е подготвена да ѝ испорача на Кина авионски мотори, што кинеските медиуми го опишаа како симбол на намерата на Кремљ за понатамошно продлабочување на економската и технолошката соработка. Се очекува Пекинг да возврати со слични потези.

Кинеските власти велат дека посетата има пошироко историско и политичко значење. Според Хонг Леи, помошник-министер за надворешни работи, пристигнувањето на рускиот претседател ја потврдува заедничката намера на Москва и Пекинг да ги бранат достигнувањата од Втората светска војна, како и високото ниво на сеопфатно стратешко партнерство во „новата ера“.

Вкупно 26 шефови на држави и влади ќе присуствуваат на состанокот во Пекинг, учествувајќи на церемониите по повод 80-годишнината од победата на Кина над Јапонија во Втората светска војна.

Вучиќ, Путин и Ким Јонг Ун кај Си Џинпинг во Кина на воена парада