Путин ја претпочитал Москва, Макрон Женева: „Политико“ открива каде Белата куќа ја планира средбата Путин-Зеленски

Белата куќа размислува за одржување трилатерален состанок меѓу американскиот претседател Доналд Трамп, рускиот претседател Владимир Путин и украинскиот претседател Володимир Зеленски во унгарската престолнина Будимпешта, изјави ексклузивно за „Политико“ функционер од администрацијата на Трамп и лице блиско до администрацијата.

Тајната служба на САД веќе го подготвува теренот за потенцијален самит во централноевропската земја предводен од премиерот Виктор Орбан, долгогодишен сојузник на Трамп уште од неговиот прв мандат.

Портпаролката на Белата куќа не го коментираше ова соопштение, ниту сакаше да даде детали за потенцијалниот состанок на денешниот брифинг.

Иако Тајната служба често разгледува повеќе локации и конечната одлука за локацијата на состанокот сè уште не е донесена, Будимпешта сè повеќе се појавува како прв избор на Белата куќа, според два извори запознаени со приватните разговори.

Путин наводно му рекол на Трамп дека ја претпочита Москва, додека францускиот претседател Емануел Макрон ја претпочита Женева како идеална локација. Не за да биде изоставен, швајцарскиот министер за надворешни работи му понудил на Путин „имунитет“ од постоечката потерница за воени злосторства доколку Швајцарија – позната по својата неутралност – биде избрана за домаќин на разговорите.