Путин испрати остра порака до ЕУ: „Или провоцираат или се целосно некомпетентни“

Рускиот претседател Владимир Путин, по средбата со кинескиот претседател Шји Џинпинг, се сретна и со словачкиот премиер Роберт Фицо, кој исто така пристигна на воена парада во Кина.

Во заедничко обраќање со словачкиот премиер, Путин рече дека „тврдењата на Европа дека Русија наводно планира напад врз неа се или провокација или целосна некомпетентност“.

„Секој разумен човек е совршено свесен дека Русија никогаш немала, нема и никогаш нема да има желба да нападне некого“, рече Путин.

Путин, исто така, рече дека ваквите тврдења се целосна бесмислица и немаат никаква основа. „Што се однесува до „агресивните планови“ на Русија кон Европа, сакам уште еднаш да нагласам дека ова е целосна бесмислица која нема апсолутно никаква основа“, рече рускиот лидер.

Путин, исто така, изјави дека Москва никогаш не се спротивставила на евентуалното членство на Украина во Европската Унија и ги отфрли тврдењата дека Москва планира да нападне некого.

На состанокот во Кина, рускиот претседател му рече на словачкиот премиер Роберт Фицо дека западните земји и воениот сојуз на НАТО се обидуваат да го покријат целиот постсоветски простор и дека Русија нема други цели освен да ги заштити своите интереси.

Путин, исто така, рече дека Русија долго време трпела постојани напади од украинските сили врз енергетската инфраструктура, а потоа почнала да возвраќа – и, како што вели, сериозно.

Putin:

We endured for a very long time as Ukrainian troops carried out constant strikes on our energy facilities. After that, we began to retaliate. And we are retaliating, let's say, in a serious way. That's true.

(Obviously, Russia has been attacking Ukrainian energy… pic.twitter.com/RUAm8oBuT3

— Anton Gerashchenko (@Gerashchenko_en) September 2, 2025