Рускиот претседател Владимир Путин денес изјави дека испораката на американски ракети „Томахавк“ во Киев би ги уништила позитивните трендови што се појавија во односите меѓу Русија и САД.
„Имаше прашања поврзани, на пример, со дискусијата за проблемите со испораката на нови системи за оружје, вклучувајќи ги и системите „Томахавк“ со долг дострел и висока прецизност, и така натаму. Веќе реков дека ова ќе доведе до уништување на нашите односи, барем на позитивните трендови што се појавуваат во овие односи“, рече Путин во интервју за новинарот на телевизијата „Росија 1“, Павел Зарубин, пренесува „РИА Новости“.
Путин претходно изјави дека доколку Киев користи ракети „Томахавк“, тоа би ги нарушило односите меѓу Русија и САД.
Тој нагласи дека употребата на овие ракети во Украина без директно учество на американските трупи би била невозможна.
Претходно, потпретседателот на САД, Џ.Д. Венс, за „Фокс њуз“ изјави дека администрацијата на Трамп разгледува можна испорака на крстосувачки ракети „Томахавк“ на Украина, но дека конечната одлука останува на американскиот претседател.
ИЗДВОЕНИ
Колку и да се обидувате да ги сокриете, вистината ќе излезе на виделина
21.Издание на Виз Ер Скопски маратон: Енергија, радост и победнички дух низ улиците на главниот град/ФОТОГАЛЕРИЈА
СРЃАН АМЕТ, НАТПАРТИСКИ КАНДИДАТ ЗА ГРАДОНАЧАЛНИК НА ГРАД СКОПЈЕ ПОДДРЖАН ОД УНИЈАТА НА РОМИ: Градот не треба да се шири хаотично, туку плански – кон источниот и кон југоисточниот дел
Несоборливи докази, 34 обвинети – се чека правда за Кочани
