Путин е морално одговорен за смртта на Британката Стерџис!

Осум години по смртта на Британката Дон Стерџис, случајна жртва на атентатот врз двојниот агент Сергеј Скрипал, објавени се конечните наоди од истрагата.

Рускиот претседател Владимир Путин е „морално одговорен“ за смртта на Британката Дон Стерџис, мајка на три деца, која беше отруена со рускиот нервен агент Новичок во Солсбери во 2018 година, заклучи истрагата.

Четириесет и четиригодишната жена била колатерална или случајна жртва на атентатот врз рускиот двоен агент Сергеј Скрипал и неговата ќерка Јулија.

Русија негираше вмешаност во случајот од самиот почеток.

Стерџис почина откако беше испрскана со Новичок оставен во шишенце парфем. Таа го пронајде шишенцето случајно.

• Немаше шанси за преживување. И покрај напорите на лекарите, никаков медицински третман всушност не можеше да ѝ го спаси животот, рече лордот Ентони Хјуз, презентирајќи ги резултатите од истрагата за смртта на Дон Стерџис на 4 декември 2025 година.

Скрипал е поранешен руски двоен агент. Тој беше обвинет во Русија дека работел за британската тајна служба MI6 и беше уапсен во 2006 година. Подоцна беше помилуван и му беше дозволено да се пресели во Велика Британија, каде што живее од 2010 година.

Јулија, која е руска државјанка, го посетуваше својот татко во Солсбери во времето на инцидентот.

Меѓународниот истражен тим пристигна во Велика Британија 15 дена откако Скрипал беа пронајдени во несвест на клупа во парк во Солсбери и однесени во болница.

Полицаецот кој прв пристигна на местото на настанот, исто така, се разболе.

Скрипал и неговата ќерка Јулија се во болница со недели и се верува дека двајцата целосно се опоравиле.

Нападот врз Сергеј и Јулија Скрипал беше „јавен приказ на руската моќ“, додаде тој.

Сите вклучени во обидот за атентат врз Скрипал, вклучувајќи го и Путин, кој го одобри нападот, се „морално одговорни“ за смртта на Дон Стерџис, се заклучува во извештајот.

По труењето, двајцата мажи обвинети за нападот се појавија на руската телевизија, инсистирајќи дека го посетиле Солсбери како туристи кои сакале да ја видат катедралата и нејзината кула.

Велика Британија ја обвини руската ГРУ (Главна дирекција за разузнавање) за нападот и воведе санкции врз неа.

Која е Дон Стерџис?

Дон Стерџис почина во болница во Солсбери на 8 јули 2018 година, осум дена откако беше контактирала со Новичок во станот на нејзиниот партнер Чарли Роули во блискиот Ејмсбери. Таа беше мајка на три деца.

Нејзината мајка, Каролин Стерџис, ја опиша својата ќерка како „интелигентна, исклучително несебична и многу добродушна“.

За време на истрагата, полицаец од Вилтшир се извини што погрешно ја нарече Дон Стерџис како „познат зависник од дрога“.