Пуштен во употреба нов објект на градинката „Павлина Велјанова“

Грозданов истакна дека новиот објект претставува директен одговор на потребите на најмладите и на нивните родители.

– Со тоа ќе се намали листата на чекање за прием во градинките и ќе им се олесни секојдневието на родителите – изјави Грозданов.

Тој информираше дека објектот е со површина од 1.000 квадратни метри и со дворна површина од 2.500 квадратни метри.

– Градинката ќе биде со капацитет за над 120 деца на возраст од девет месеци до шест години и ќе бидат отворени 20 работни места – нагласи Грозданов.

Велковски додаде дека изградбата на градинката е финансирана од Светска банка, во рамките на проектот за подобрување на социјалните услуги, со вкупна инвестиција од 934.821 евра.

– Овој проект е дел од нашата долгорочна стратегија за јакнење на институциите за згрижување и образование на најмладите, како и за поддршка на родителите преку зголемување на достапноста на социјалните услуги. Ова е уште еден доказ за посветеноста на Владата кон развојот на локалните заедници, рамномерниот регионален развој и инвестициите во модерна, достапна и инклузивна детска заштита – рече Велковски.

Премиерот изрази задоволство што се пушта во употреба објект што, како што рече, ќе додаде квалитет во животот на граѓаните.