Триумфот на Реал (М) над вечниот ривал Барселона во последното „Ел Класико“, освен по вербалниот напад врз Јамал Ламина е во сенка и поради недоличното однесување на бразилскиот интернационалец, Винисиус Жуниор.
Крилниот напаѓач на Реал (М) буквално полуде во 71-та минута кога тренерот Чаби Алонсо сигнализираше дека мора да излезе од теренот за да биде заменет од Родриго. Наместо да се збогува со тренерскиот персонал и играчите на клупата, како што е вообичаено, и да остане да седи со нив, тој се упати директно кон соблекувалната.
И тогаш, според DAZN, Вини дал бомбастичната изјава: „Го напуштам тимот… Си одам, подобро да си одам!“
Бразилецот ги одигра сите 13 натпревари за Реал оваа сезона, од кои 10 во почетниот состав. Тој беше заменет седум пати и секој пат кога мораше да излезе, беше незадоволен, пишуваат Шпанците, додавајќи „но никогаш вака“.
„Во 71-та минута, Винисиус го виде четвртиот судија како го крева неговиот број. Уште еднаш, Бразилецот не можеше да поверува дека морал да ја напушти играта порано отколку што очекувал. Овој пат, за разлика од претходните, неговиот гнев беше многу повидлив, а крилниот напаѓач на Реал не го криеше своето несогласување со одлуката на Чаби Алонсо:
„Јас? Јас? Тренеру, тренеру!“, извика Бразилецот со раширени раце, барајќи објаснување“, пишува DAZN и додава: „Додека седмицата на Реал (М) се удираше по градите, следеше неговата последна експлозија – јасно изречено „Да му е*ам се!“ гледајќи кон Чаби Алонсо, кој се обиде да ја смири ситуацијата: „Ајде, Вини, доста!“
ИЗДВОЕНИ
Дронови ќе ги обезбедуваат изборите и в недела
Осумдесет и една година „Нова Македонија“ – од Горно Врановци до денес, симбол на посветеноста кон вистината и јавната реч
Одреден е притвор за двајца раководители од „Комунална хигиена“ поради сомненија за загрозување на животната средина
НИСКИОТ ОДЅИВ ВО ПРВИОТ ИЗБОРЕН КРУГ ДОНЕСЕ И ПРЕДУПРЕДУВАЊЕ: Жолт картон од гласачите за политичарите, што со цензусот?
