Пукање во Охајо: Деветмина ранети на прослава во изнајмена куќа, повеќето гости биле малолетници

Девет лица се повредени во пукотница во североисточен Охајо денес во голема куќа за изнајмување каде што тинејџерите се собрале на роденденска забава што ја рекламирале на социјалните мрежи.

Пукањето се случило во општина Бат, околу 15 милји северозападно од Акрон, објави АП.

На прес-конференција, началникот на полицијата Вито Синополи рече дека степенот на повредите на жртвите сè уште не е познат.

Исто така, не е јасно дали сите девет лица биле погодени од огнено оружје, бидејќи повредата на ногата на едно лице можела да биде предизвикана од пад, додаде тој.

Синополи рече дека големата куќа била изнајмена преку Airbnb, што не е дозволено според локалните прописи за зонирање, и дека повеќето од присутните на забавата биле под 18 години.

Тој додаде дека жртвите може да вклучуваат и малолетници и возрасни.

Објавите на социјалните мрежи за забавата привлекоа голема толпа, рече Синополи.

Airbnb соопшти дека забранува „неовластени и вознемирувачки собири“ и дека го суспендирала огласот за имотот и ја отстранила сметката на лицето кое го изнајмило домот.

Исто така, забележа дека од 2020 година, кога стапи на сила глобалната политика за забрана на забави, има пад од 50 проценти во пријавените забави.