Пукање во кафуле во Атина, ранети се полицаец и турски државјанин

Двајца мажи се повредени во пукање што се случило денес во кафуле во Атина, објавува „Катимерини“, пренесува „Танјуг“.

Непознато лице ранило турски државјанин и полицаец во нозете, за кој не е прецизирано дали бил на должност, а кој е и сопруг на сопственичката на кафулето, објавува весникот, повикувајќи се на изјави на сведоци.

Двајцата мажи се однесени во болница.

Според сведоците, Турчинот го напуштил кафулето за да разговара со некого, а потоа се вратил како да го бркаат, само за неколку минути подоцна да биде застрелан во нозете од друг маж, кој го застрелал него и сопственикот на кафулето во нозете, пред да избега од местото на настанот пеш.

Се верува дека осомничениот што ги застрелал двајцата мажи е исто така турски државјанин, по кого полицијата трага.