Пукање во близина на Белата куќа – застрелани се двајца припадници на Националната гарда

Повеќе лица се застрелани во Вашингтон, вклучувајќи барем еден член на Националната гарда на Соединетите Американски Држави, објави „Си-ен-ен“.

Пукањето се случило во центарот на Вашингтон, во близина на Белата куќа, објави „Си-ен-ен“.

Според првичните информации, застрелани биле двајца членови на Националната гарда.

Вашингтонската метрополитенска полиција објави на мрежата „Икс“ дека се на местото на пукањето во областа и им советувала на граѓаните да го избегнуваат. Тие исто така објавија дека еден осомничен е во притвор и дека областа е обезбедена.

🇺🇸 BREAKING: Two National Guard members have BEEN SHOT in Washington, D.C., and their condition isn’t known, according to AP.

Shooter is reportedly still on the loose. pic.twitter.com/Bgu2uq0KE0

— DD Geopolitics (@DD_Geopolitics) November 26, 2025

Националната гарда не одговори веднаш на барањето на „Си-ен-ен“ за коментар.

Околностите на пукањето сè уште не се јасни, објави медиумот.

Припадници на Националната гарда од неколку држави се наоѓаат во Вашингтон со месеци како дел од мерките на претседателот Доналд Трамп против криминалот во главниот град, кои оттогаш се проширија и во други градови низ земјата, објави медиумот.

Си-Ен-Ен контактираше со Пентагон, Националната гарда, Белата куќа и Одделот за метрополитенска полиција на Вашингтон за коментар.