Жестоки битки повторно се водат околу Покровск. Тој дел од фронтот стана главен фокус на најновите руски напади. Украински воени извори и медиуми известуваат дека ситуацијата е „многу тешка“.
Според командантот на водот на јуришниот баталјон „Аидар“, Станислав Буњатов, руските сили ја интензивирале офанзивата и нападите се во тек по целата линија од Багатир до џебот околу Костјантиновка.
„Непријателската активност е голема по целата линија. Југозападно од Костјантиновка, Русите напредуваа поради ниската борбена готовност на нашите луѓе, лошата координација и слабите способности на нашите дронови за напад што дејствуваат во тој сектор“, напиша Буњатов на Телеграм.
Според „Дип стејт“, најжестоките борби се водат околу Јелизаветовка, Тарасивка и Стараја Николаевка. Кај Јелизаветевка, Русите сè уште не успеваат да ги пробијат украинските позиции, но кај Тарасовка напредуваат кон Воѓање Доро и Зелени Поље, кои практично се окупирани од руската армија.
Ситуацијата околу Стараја Николаевка дополнително се влошила бидејќи руските сили стигнале речиси до самото село.
„Во областа од Новоторецки до Калинова, непријателот секојдневно се обидува да ја пробие украинската одбрана користејќи и пешадија и оклопни возила“, објавува „Дип Стејт“.
Независни украински извори, исто така, зборуваат за руски пробиви во близина на Тројанд, село во близина на Покровск, а мапите покажуваат како руското опкружување се стеснува на левата страна од фронтот.
Тие наведуваат дека „фронтот кај Покровск се претворил во пекол“.
Украинскиот Генералштаб во извештај наведува дека бранителите во секторот Покровска одбиле дури 70 руски напади и офанзивни напади.
