Првпат по 15 години се чисти Певец

По барање на Општина Аеродром, првпат по 15 години се чисти земјиштето познато како Певец, во непосредна близина на зградите на булеварот „Февруарски поход” и на куќите на улицата „Тодор Чангов”.

– Сопствениците на земјиштето веднаш постапија по барањето и почнаа со средување на овој дел – велат од локалната самоуправа.

Оттаму информираат дека е доставено барање и до сите други сопственици на вакво неуредено земјиште во најскоро време да го уредат, во спротивно, на нивни трошок тоа ќе го стори Општина Аеродром.