Лидерката на венецуелската опозиција и овогодинешна добитничка на Нобеловата награда за мир, Марија Корина Мачадо, денес изјави дека наградата е „огромно признание за борбата на сите Венецуелци“.
Таа рече дека наградата ја посветува на „страдачкиот народ на Венецуела и на претседателот Трамп за неговата решителна поддршка за нашата кауза“.
„Ова признание за борбата на сите Венецуелци е поттик да ја завршиме нашата задача: освојувањето на слободата. Ние сме на прагот на победата и денес, повеќе од кога било, сметаме на претседателот (САД Доналд) Трамп, народот на Соединетите Американски Држави, народите на Латинска Америка и демократските нации во светот како наши главни сојузници во постигнувањето слобода и демократија“, напиша таа на платформата X.
Како што објави Комитетот за доделување на Нобеловата награда, Мачадо беше признаена за нејзината „неуморна промоција на демократските права на венецуелскиот народ и борбата за постигнување праведна и мирна транзиција од диктатура во демократија“.
ИЗДВОЕНИ
МАКЕДОНИЈА ГО ЧЕСТВУВА И ЧУВА СПОМЕНИ НА 11 ОКТОМВРИ: Пушката на партизанот Максо уште сведочи за пукањето на прилепскиот участок
ОРЦЕ ЃОРЃИЕВСКИ, КАНДИДАТ НА КОАЛИЦИЈАТА ПРЕДВОДЕНА ОД ВМРО-ДПМНЕ: Нема да дозволам Скопје да живее со вакви жаришта на загадување (9)
Живее во бегство, поради закани по животот! Која е Марија Корина Мачадо, добитничка на Нобеловата награда за мир за 2025 година?
Град под златна сенка – Ада Тепе го раздвижи Крумовград, а не ја промени природата
