Безобзирната вооружена агресија на САД и Израел е неиспровоцирана, а целата одговорност за ескалацијата е на Израел и САД, се вели во соопштението на руското Министерство за надворешни работи.
„Одговорноста за спиралата на насилство е на САД и Израел, кои се обидуваат да го уништат иранското раководство“, се вели во соопштението.
Како што е наведено, мотивите на САД и Израел за напад врз Иран немаат никаква врска со зачувувањето на режимот за неширење на нуклеарно оружје.
„Русија, како и досега, е подготвена да помогне во наоѓање решение на мирен начин, засновано на меѓународното право, меѓусебното почитување и рамнотежата на интересите“, се вели во соопштението.
„САД и Израел не можат а да не разберат дека со туркање на Блискиот Исток во неконтролирана ескалација, тие го охрабруваат регионот да се снабдува со ново оружје“, укажаа од Москва.
Опасната авантура на САД и Израел брзо го приближува регионот до хуманитарна, економска и радиолошка катастрофа.
