Претседателот Доналд Трамп ги покажа првите знаци на повлекување откако испрати федерални агенти за имиграција во Минесота кон крајот на минатата година – заменувајќи го лидерот на репресивните мерки на терен и сигнализирајќи нова подготвеност за соработка со демократските државни функционери, пишува CNN.
Но, потезите – кои дојдоа во време на напори за ограничување на јавната реакција поради убиството на Алекс Прeти и раните обиди на функционерите на Трамп лажно да го етикетираат медицинскиот работник од интензивна нега како „домашен терорист“ – не ја спречија администрацијата да продолжи да се обидува да ја префрли вината, поставувајќи прашања за тоа колку навистина ќе се променат работите на терен.
Првиот тест би можел да се случи денеска.
Се очекува шефот на граничната патрола, Грегори Бовино, и некои од неговите агенти да го напуштат градот, изјавија за Си-Ен-Ен три извори запознаени со разговорите, откако Трамп го испрати граничниот „цензор“ Том Хоман да ја преземе операцијата за спроведување на законот на теренот што го потресе Минеаполис.
Градоначалникот на Минеаполис, Џејкоб Фреј, по телефонски разговор со претседателот Доналд Трамп, на платформата Икс, објави дека денеска федералните агенти ќе заминат од градот. Но, тој не прецизира колку агенти ќе се повлечат.
Во Минеаполис повеќе денови се одржуваа протести, откако на 7 јануари агент на ИЦЕ ја уби Рене Гуд, а на 24 јануари од припадник на ИЦЕ убиен е Алекс Прити. Администрацијата на Трамп тврди дека агентите пукале во самоодбрана.
Најавите дека Бовино ќе замине од Минеаполис уследија откако Трамп изјави дека телефонски разговарал со гувернерот на Минесота, Тим Волц. За американскиот претседател тоа било „многу добар разговор“, додека Волц наведе дека разговорот бил продуктивен и оти Трамп се согласил да размисли за намалување на бројот на федерални агенти распоредени во Минесота.
