Првиот ден од директните разговори меѓу Русија, Украина и САД заврши – протекуваат првите детали

Руските, украинските и американските преговарачи се собраа денес во Абу Даби, каде што се одржаа првите трилатерални разговори од почетокот на руската агресија врз Украина во февруари 2022 година.

Средбата се смета за клучен момент за Украина и можност да се покаже дали Москва е навистина подготвена за мировниот процес или само се обидува да купи време.

Разговорите следат по неодамнешната средба меѓу рускиот претседател Владимир Путин и претставниците на американскиот претседател Доналд Трамп во Москва, која Кремљ ја опиша како „корисна“, но и „многу отворена“.

Во Абу Даби се одржа трилатерален состанок на украинската, американската и руската делегација, каде што беа дискутирани параметрите за завршување на војната и идниот процес на преговори, објави украинскиот министер за одбрана, Рустем Умеров, на социјалната мрежа „Икс“.

Покрај Умеров, украинската делегација ја сочинуваа Кирило Буданов, Давид Арахамија и Сергиј Кислицја.

На консултациите од име на Соединетите Американски Држави присуствуваа специјалниот пратеник Стив Виткоф, Џаред Кушнер, Џош Груенбаум и генералите Даниел Дрискол и Алексус Гринкевич.

Руската делегација ја сочинуваа претставници на воената разузнавачка служба и вооружените сили.

Централна тема на состанокот беа параметрите за завршување на војната и понатамошната логика на преговарачкиот процес со цел постигнување достоен и траен мир.

Дополнителни состаноци се закажани за утре, кога на украинскиот тим ќе му се придружат началникот на Генералштабот, генерал Андриј Хнатов, и заменик-началникот на Одбранбената разузнавачка служба на Украина, генерал-потполковник Вадим Скибицки.

Умеров истакна дека по секоја фаза од преговорите, до украинскиот претседател Володимир Зеленски се доставува извештај. Тој нагласи дека украинскиот тим дејствува на координиран начин во рамките на задачите поставени од претседателот и е подготвен да работи во различни формати, во зависност од текот на дијалогот.

In Abu Dhabi, together with Kyrylo Budanov, @arakhamia_david , and @SergiyKyslytsya, we took part in a trilateral meeting involving the Ukrainian, American, and Russian sides. We appreciate the U.S. mediation.

On the U.S. side, the consultations included Special Envoy…

— Rustem Umerov (@rustem_umerov) January 23, 2026

Според каналот на Телеграм „Украина Контекст“, неофицијален канал кој ја следи војната во Украина и дипломатските случувања, денешните преговори меѓу Украина, Русија и САД во Абу Даби беа тешки, но релативно конструктивни.

Според авторите на каналот, за разлика од претходните руски делегации, овој пат „скоро никој од руските преговарачи не се обиде да се преправа дека е глупав или да ги претвори преговорите во лажна лекција по историја“.

На платформата „Икс“ се појави првата снимка од состанокот меѓу Русија, Украина и САД во Абу Даби. Имено, видеото го прикажува состанокот на шефовите на американската, украинската и руската делегација со претседателот на Обединетите Арапски Емирати Мохамед бин Зајед Ал Нахјан во Абу Даби.

Американската делегација ја претставуваат Џаред Кушнер, зет на Доналд Трамп, и Стив Виткоф, специјален претставник на Трамп за меѓународни преговори, додека од Украина се присутни Рустем Умеров, министерот за одбрана, и Кирил Буданов, шефот на воената разузнавачка служба, пренесе хртватски „Индекс“.

Reportedly, the video shows the first footage of US, Ukrainian, and Russian delegation heads meeting UAE President Sheikh Mohammed bin Zayed Al Nahyan in Abu Dhabi today. pic.twitter.com/cJkUOcfuh5

— WarTranslated (@wartranslated) January 23, 2026