Пејачот Здравко Чолиќ проговори за првпат откако експлозивна направа – бомба – беше фрлена врз неговата куќа во Белград околу пет часот утрово, како што објавија српските медиуми.
Дежурниот јавен обвинител пристигна на местото на настанот веднаш по пријавата и заедно со полицијата ги утврдува сите околности на инцидентот.
Чола откри во интервју за УНУ дека моментално е надвор од Србија, поточно во Загреб, каде што ги завршува последните песни за својот нов албум.
„Сè е во ред во Белград, фала му на Бога што сите се добро. Го разбирам интересот на медиумите, но морам да истакнам дека некои изјави во медиумските текстови се протолкувани на начин што не одговара на вистинската состојба на работите. Верувам дека е важно информациите да се презентираат одговорно и врз основа на проверени факти. Истрагата е во тек и го чекаме полицискиот извештај“, рече Чолиќ.
Се сомнева дека непознато лице фрлило рачна граната во дворот на семејната куќа, додека мотивот за нападот сè уште не е познат.
Забележана е и значителна материјална штета.
Овој случај фрли сенка врз брилијантната кариера на Чола.
Тој неодамна стана рекордер за сараевската Зетра, откако потврди дека четвртиот концерт оваа година во познатата сала бил распродаден.
Специјален концерт ќе се одржи на Денот на Сараево, 6 април.
Пред тоа, Чола ќе се качи на сцената на 27 и 28 март и на 4 и 5 април.
Ќе биде придружуван од голем симфониски оркестар.
На почетокот на ноември минатата година, тој го објави синглот и музичкото видео „Tamo“.
ИЗДВОЕНИ
Сообраќајките ја чинат државата повеќе од 400 милиони евра годишно, повеќе од целиот армиски буџет
Крената Шенген-рампата и за камионџиите и за автобусчиите
Децата цел на разбојници – ќе се врати ли „маалскиот полицаец“ да нè чува?
Убава вест од Брисел: Професионалните возачи ќе можат да влегуваат во Шенген зоната без да им се бројат деновите за престој!
