Проверен рецепт на кој му нема рамен: Сочни ќофтиња во доматен сос, идеален викенд ручек за целото семејство

Сочните ќофтиња во богат, ароматичен доматен сос се идеални за брз и лесен семеен ручек.

Нема јадење што повеќе ја евоцира топлината на домот од миризливите ќофтиња во доматен сос. Ова класично јадење, кое многумина од нас го сакаат уште од детството, комбинира едноставни состојки во совршена мешавина од вкусови и текстури.

Подолу откриваме проверен рецепт кој е лесен за подготовка и гарантира празник за непцата.

Состојки за ќофтиња во доматен сос:
500 г мешано мелено месо
2 чешниња лук
1 глава кромид
2 лажици свеж магдонос
1 јајце
сол, бибер, зачини по вкус
Состојки за сосот:
50 мл масло
3 лажици брашно
500 мл сок од домати
500 мл вода
1 лажичка сол
1 лажичка шеќер
1 лажичка мелена пиперка

Подготовка:
Ситно исечкајте го магдоносот, црниот кромид и лукот и ставете ги во длабок сад. Додадете го меленото месо, јајцето и зачините, па добро измешајте сè.

Оформете ги ќофтињата со раце и наредете ги на чинија, па ставете ги во фрижидер.

Загрејте го тенџерето и прелијте го маслото, потоа додадете го брашното и пржете го додека не поруменат, па додадете го сокот од домати.

Постепено, на средна температура и додека мешате, прелијте ја водата, па додадете ги зачините по вкус и шеќерот. Шеќерот го користите за регулирање на киселоста на доматите, затоа не го прескокнувајте.

Кога сосот ќе зоврие, ставете ги ќофтињата во тенџерето едно по едно. Намалете ја температурата и оставете го сосот и ќофтињата да крчкаат на тивок оган околу 40 минути. Сервирајте ги готовите ќофтиња во доматен сос со пире од компири или вашите омилени тестенини.