Под мотото „Излези. Застани. Зборувај за себе. За своите деца. За здравјето. За иднината“, еколошкото здружение „Здрава котлина“ утре напладне, на крстосницата пред ТЦ „Глобал“ во Струмица организира протест против аерозагадувањето.
Во соопштението објавено на нивната фејсбук-страница, се наведува дека повторно дошол денот кога се принудени да излезат на улица и да го искажат заедничкиот револт против аерозагадувањето.
– Власта се менува. Функциите се менуваат. Но едно нешто останува исто: ние и понатаму дишеме отров. Со години слушаме ветувања за „чист воздух“, „стратегии“, „мерки“ и „планови“. А што добивме? Ништо. Молк. Институционална негрижа – се наведува во повикот за протестот.
Од „Здрава котлина“ додаваат дека моменталната состојба во јужниот дел на градот е алармантна и изложеноста на граѓаните на ПМ-честички е голема.
Тие ги повикуваат сите граѓани – родители, млади, пензионери, работници, студенти – да излезат во што помасовен број и заедно да кажат: „Стоп на аерозагадувањето, стоп на трујачите, стоп на институционалната негрижа, крај на воздушната апокалипса и најгласно Уааа за инспекторите и за институциите што со години не си ја вршат работата“.
„Здрава котлина“ и лани во февруари и во јули организираше два протести против аерозагадувањето.
ИЗДВОЕНИ
Сè уште сонуваме дека сме заедно……в недела, 25 јануари, ќе се одбележи роденденот на балканската музичка ѕвезда
Пензионерите на цена – потребни им се на газдите, а пензиите не им се доволни
Македонија во Давос – пробив или пропуштена шанса?!
Зошто дозволуваме стереотипите постојано да креираат дискриминаторни пречки во секојдневието на маргинализираните жени во Скопскиот плански регион?
