Протест на „Генерацијата З“ во Непал, ситуацијата останува напната: Илјадници луѓе на улиците, полицијата пука врз демонстрантите/видео

Десетици илјади демонстранти денес излегоа на улиците на главниот град на Непал, Катманду, за да протестираат против одлуката на владата да ги блокира повеќето платформи на социјалните медиуми, вклучувајќи ги „Фејсбук“, „Икс“ (X) и „Јутуб“, врз основа на тоа што компаниите не се регистрирале и биле предмет на државен надзор, пренесува „Хина“.

Демонстрантите ја пробија бодликавата жица и ја принудија полицијата да се повлече во близина на зградата на Парламентот.

Полицијата испука солзавец и водни топови, но беше побројна и побара безбедност во комплексот на Парламентот, на крајот отворајќи оган врз демонстрантите.

Според информациите објавени од државните медиуми во Непал, кои сè уште не се потврдени, 14 лица настрадаа, а повеќе од 50 беа повредени во судирот меѓу демонстрантите и полицијата, објави „Ројтерс“.

🚨Breaking news:- Youth brigade’s fierce protest against Nepal government in Kathmandu, youth took to the streets against corruption and social media ban.

This movement of Nepali youth is absolutely justified.💪🔥#socialmediaban#Nepal #kathmandu #protest pic.twitter.com/f9E7mZrlg9

— Aman Verma (@aman9950) September 8, 2025

Ситуацијата останува напната, а властите објавија полициски час за вечерва околу парламентот, владата, претседателската палата и другите клучни делови од главниот град.

„Стоп на забраната за социјалните медиуми, стоп на корупцијата, а не на социјалните медиуми!“, скандираа демонстрантите, мавтајќи со национални знамиња.

Денешниот митинг е наречен „протест на генерацијата З“ – оние родени помеѓу 1995 и 2010 година.

Околу дваесетина платформи на социјалните медиуми што се користат во Непал постојано се известувани официјално да се регистрираат, соопшти владата, а оние што не се регистрирале се блокирани од минатата недела.

„ТикТок“, „Вибер“ и три други платформи се регистрирани и работат без прекин.

Овој потег доаѓа откако владата поднесе закон во парламентот со кој се обидува да обезбеди дека платформите на социјалните медиуми се „правилно управувани, одговорни и усогласени“.

Законот е широко критикуван како средство за цензура и казнување на владините противници кои ги изразуваат своите ставови преку интернет. Групите за човекови права го нарекоа ова обид на владата да ја ограничи слободата на изразување и рекоа дека ги крши основните права.

Непал ја забрани апликацијата за споделување видеа од „ТикТок“ во 2023 година поради нарушување на „социјалната хармонија, добрата волја и ширењето непристојност“.

Забраната беше укината минатата година откако раководителите на „ТикТок“ ветија дека ќе ги почитуваат законите на Непал, кои вклучуваат забрана од 2018 година за порнографски веб-страници.