„Проќелавиот“ Мерц потрошил 12.500 евра за фризура во првите три месеци од мандатот

Германскиот канцелар Фридрих Мерц потрошил 12.500 евра за шминка и фризури во првите три месеци од функцијата. Деталите за средувањето и фризурата на „прокелавиот“ политичар, финансирани од даночните обврзници, се појавија откако Трамп го пофали тенот на германскиот канцелар за време на состанокот во Белата куќа.

„Каде се исончавте толку? Би сакал таков тен“, го праша Трамп Мерц, пренесе The Telegraph.

Патем, трошоците на Мерц ги надмина само Министерството за економија и енергетика, кое потроши 19.264,76 евра за услуги на козметичари и фризери помеѓу мај и август оваа година. Министерката Катерина Рајхе наводно понела шминкерка со себе во Вашингтон во јули, а 8.324 евра од буџетот биле потрошени за нејзините патни трошоци.

Сепак, трошоците за средување се пониски отколку во времето на канцеларот Олаф Шолц. Тогашната поранешна министерка за надворешни работи, Аналена Бербок, потрошила 137.000 долари за личен стилист кој ја придружуваше на 76 странски посети.