Компанијата „ПИП“ од Нови Сад, чии пченични тортиљи беа повлечени од хрватскиот пазар, наведува дека не го користат, ниту пак некогаш го користеле, неодобрениот додаток калциум сорбат во своето производство, пренесе „Н1“.
Тие нагласуваат дека ова е исклучиво административен пропуст во етикетирањето, а не никаков проблем со квалитетот, безбедноста или составот на производот.
„Производот со приватна етикета се повлекува од пазарот исклучиво поради техничка печатна грешка на еден од јазиците на декларацијата, што се случила за време на подготовката на пакувањето“, се вели во соопштението на компанијата објавено на нивната веб-страница.
Додаваат дека сите нивни производи се безбедни за здравјето, редовно контролирани и без никаков ризик за граѓаните.
„ПИП Нови Сад е општествено одговорна компанија која работи во прехранбената индустрија повеќе од три децении, доследно почитувајќи ги сите законски прописи на Србија, Европската Унија, како и најстрогите меѓународни стандарди за безбедност на храната“, наведува компанијата.
Трговскиот синџир „Конзум“ објави дека причината за повлекувањето од продажба е неточна декларација на состојките.
ИЗДВОЕНИ
Екс правобранителот уапсен за поткуп, барал 100.000 фатен со 50.000 евра
ИСКРИЧЕЊЕТО МЕЃУ ВМРО-ДПМНЕ И ЗНАМ ОТКРИ ДО КАДЕ СМЕ СО РЕФОРМСКИТЕ ЗАКОНИ: Владината процедура заглави најмалку 14 закони
ПРЕПУКУВАЊАТА ОКОЛУ МИГРАНТИТЕ НЕ ЗАПИРААТ: Мицкоски бара Обвинителството да се позанимава со СДСМ поради ширење паника и страв
ДВИЖЕЊЕТО ЗНАМ ГО ОДБЕЛЕЖА ВТОРИОТ РОДЕНДЕН – Димитриевски: Станавме фактор на стабилност кој не дозволува уцени во владеењето
