Продолжуваат апсењата во САД, на листата се двајца бејзбол играчи!

Соединетите Американски Држави продолжуваат со големата акција против спортистите, а причина е нелегалното обложување. ФБИ веќе ги етикетираше кошаркарите на НБА, а сега е засегнат и друг спорт – бејзболот. Неодамна беа приведени Емануел Класе и Луис Ортиз, членовите на Кливленд.

ФБИ истражуваше за Малик Бизли, Тери Роузер, Чонси Билапс… за кршење на правилата поврзани со забранетото обложување, вклучувајќи ги коцкањето и организираните покер-игри, во соработка со мафијата. Како што истакна директорот на ФБИ, Кеш Пател, кругот на сомнителни спортисти постојано се шири, а најновиот скандал се однесува на бејзболот. Изминатиот викенд беа уапсени познатите играчи од Кливленд гардијанс – Класе и Ортиз.

Според објавените информации, клучни инциденти што доведоа до апсењата се следниве.

На 15 јуни 2025 година, против Сиетл маринерс, Ортиз, во текот на втората измена, наводно склучил договор преку Класе, кој дејствувал како посредник, намерно да го фрли своето прво фрлање како „топка“ во замена за 5.000 долари. Фрлањето заврши далеку надвор од зоната за удар, дозволувајќи им на обложувалниците да остварат профит од околу 26.000 долари. Класе добил 5.000 долари за „завршената“ работа.

На 16 јуни 2025 година, против Сент Луис кардиналс, Ортиз ја повтори истата шема, овој пат намерно фрлајќи го првото фрлање од третата измена, како „топка“ за 7.000 долари, повторно со Класе како посредник.