Проблеми на Евровизија: Поднесени кривични пријави за закани со смрт кон израелските претставници/ВИДЕО

Јувал Рафаел, претставничката на Израел на Евровизија, доживеа непријатности и закани во последните денови во Базел.

Учеството на Израел на Евровизија оваа година привлече огромно внимание, а во неделата во Базел се одржаа протести против учеството на земјата на натпреварот.

Израелскиот радиодифузер „Кан“ денес поднесе пријава до полицијата во Базел во врска со наводни закани со смрт кон израелската претставничка Јувал Рафаел, пренесува Блиц.

Имено, на натпреварот учествуваат 37 земји, а за време на парадата со тиркизниот тепих во неделата, Јувал беше пречекана со исвиркувања, а на видео снимено од член на израелската делегација, се гледа како еден човек мавта со палестинско знаме и покажува палец надолу, а потоа го поминува прстот низ грлото и плука.

Овој гест беше протолкуван како закана со смрт, а од полицијата во Базел беше побарано да го истражи случајот.

На учеството на Израел на Евровизија се спротивставија и јавните радиодифузери во Шпанија, Исланд и Словенија, како и 70 поранешни учесници на натпреварот.

Protester threatens slaughter as Yuval Raphael walks Eurovision Song Contest carpet with bodyguard

Kan Public Broadcasting logs a complaint with local police; Israeli delegation joins other participants on the turquoise carpet parade, met with Palestinian flags and anti-Israel… pic.twitter.com/AX3kmiQXb1

— Ynetnews (@ynetnews) May 11, 2025