Патниците на многу авиокомпании се предупредени за можни прекини во воздушниот сообраќај откако европскиот производител на авиони „Ербас“ денес идентификуваше „значаен број“ од своите авиони A320 погодени од софтверски проблем, објави „Скај њуз“.
Патниците на многу авиокомпании се предупредени за можни прекини во воздушниот сообраќај откако европскиот производител на авиони „Ербас“ денес идентификуваше „значаен број“ од своите авиони A320 погодени од софтверски проблем, објави „Скај њуз“.
Компанијата во соопштението наведува дека анализата на неодамнешниот инцидент со авион A320 покажала дека интензивното сончево зрачење може да ги оштети податоците кои се клучни за функционирањето на системот за контрола на летање.
„Затоа „Ербас“ идентификуваше значителен број авиони A320 кои моментално се во употреба и кои би можеле да бидат погодени“, соопшти компанијата.
Портпарол на „Ербас“ изјави за „Скај њуз“ дека неопходната промена на софтверот ќе влијае на до 6.000 авиони.
Британската управа за цивилно воздухопловство предупреди дека ова може да предизвика одложувања и откажувања.
Нискобуџетната авиокомпанија „Виз Ер“ соопшти дека некои од нејзините летови во текот на викендот би можеле да бидат засегнати, додека „Ер Индија“ предупреди за можни доцнења.
Инцидентот што предизвика итна поправка се случи на 30 октомври на летот на „Џет Блу“ од Канкун до Њуарк, кога неколку патници беа повредени откако „Ербас А320“ одеднаш ја изгуби висината.
