Привршуваат работите на новата рекреативна зона во Дексион

Привршуваат работите на целосно новата рекреативна зона во Дексион, која многу брзо ќе стане омилено место за сите жители. Од Општина Ѓорче Петров информираат дека станува збор за фитнес-зона на отворено, со современи реквизити за секој што сака да вежба во природа.

– Во просторот се додаваат нови урбани клупи, идеални за кратка пауза, разговор со соседите или за уживање во сончев ден. ЛЕД-осветлувањето ја прави зоната безбедна и пријатна и во вечерните часови, создавајќи модерен и уреден амбиент. Дополнително, целата површина е раззеленета и средена – место што навистина повикува на прошетка, одмор и рекреација – соопштија од локалната самоуправа.

Оттаму додаваат дека со ова уредување, Дексион добива простор што ќе го користат и младите и постарите, простор што ќе ги зближи луѓето и ќе го направи маалото поубаво и попријатно.

– Со уреден, модерен и функционален простор, оваа зона ќе донесе нова енергија во маалото и ќе создаде подобри услови за активен и здрав живот – потенцираат од Општина Ѓорче Петров.