Судијата на претходна постапка од Основниот кривичен суд Скопје денеска го прифати предлогот на јавниот обвинител и за 12 лица одреди мерка притвор во траење од 30 дена, а за три повозрасни лица од кои две жени определен е куќен притвор.
Тие се осомничени за сторени кривични дела „злосторничко здружување“ и „пустошење на шуми“, додека шестмина од нив и за „злоупотреба на службена положба и овластување“. Првоосомничениот се сомничи и за „давање поткуп“, а на еден осомничен и кривично дело „примање поткуп“.
Истрагата се води против 15 лица, меѓу кои и директорот на ЈП Национални шуми – ПО Малешево и началникот на ОВР Делчево, кои се сомничат дека реализирале нелегални активности што довеле до опустошување на шума во површина од 6.000 хектари, сопственост на ЈП Национални Шуми ПСШ Малешево.
Како резултат на нивните дејствија, била исечена дрвна маса во количина од 1.500.000 метри кубни, со вредност од 6.405.000.000 денари. Организаторите на групата извршиле нелегална сеча на дрвна маса, која потоа била транспортирана и продавана како легално исечена, со цел да се оствари противправна имотна корист.
ИЗДВОЕНИ
По пожарот во Трубарево измерени се високи концентрации на честички и тешки метали, моментално нема надминување на граничните вредности, информираат од МЖСПП
Лишени од слобода 15 лица, меѓу кои има вработени во МВР, ЈП Национални шуми, МЗШВ, кои со пустошење шуми предизвикале штета од над 100 милиони евра
ЦРВЕНИТЕ ЛИНИИ НА ФИЛИПЧЕ НА „СТЕНД БАЈ“ ПО ИЗБОРИТЕ, ПРЕМИЕРОТ МИЦКОСКИ СО НАЈАВА: Нова година носи робусна акција со Бугарија
Над 70 илјади граѓани во државата имаат по два-три стана што ги изнајмуваат
