Цветовите од жалфија се исклучително ефикасни за многу здравствени состојби, а можете да ги користите на едноставен начин и да подготвите сируп.
Жалфијата не е само кујнски зачин, туку е позната со векови како растение со моќни корисни својства.
Има антиинфламаторно, антибактериско и смирувачко дејство, па затоа не е ни чудо што често се наоѓа во домашни чаеви и тинктури.
Сепак, она што многумина не го знаат е дека жалфијата може да се користи и за правење вкусен и здрав сируп.
За подготовка се користат цветови од жалфија кои штотуку почнале да се отвораат, бидејќи во тој момент имаат најкорисни состојки. Со неколку едноставни чекори, можете да направите освежителен пијалок кој е воедно и природно помагало.
Состојки:
300 г свежи цветови од жалфија
50 г лимонска киселина (лимунтус)
3 литри вода
2,5 кг шеќер
Подготовка:
Сварете ги цветовите од жалфија и лимунтот во вода, а потоа оставете да отстои цел ден (24 часа). После тоа, процедете ја течноста низ чиста газа или крпа, додадете шеќер и повторно варете ја накратко. Сирупот се истура додека е топол во стерилизирани шишиња, цврсто затворени и е подготвен за чување.
Кога е разреден со вода, овој сируп е идеален летен пијалок, а во исто време помага при болки во грлото, кашлица и општ пад на имунитетот.
