Прилеп не се гледа од густ чад: Гори ѓубриште на влезот од градот

Над Прилеп попладнево се извива густ столб од голем пожар кој избувна на ѓубриште на влезот во градот.

Според првичните информации од Дирекцијата за заштита и спасување (ДЗС), запалено е големо количество смет на дива депонија на влезот во градот, каде што, според жителите, со месеци се фрлало ѓубре.

Од ДЗС информираа дека на терен е распоредена Противпожарната единица Прилеп и интервенцијата е во тек. Засега нема информации за евентуална опасност за населението и објектите во близина.

Фото:П.Стојановски