Кинотеката на Македонија соопшти дека поради зголемен интерес на публиката за документарниот филм „Приказната за Силјан“, во режија на Тамара Котевска, воведува дополнителни термини кога тој ќе може да се погледне.
Новите термини на проекциите се на 23, 25 и 26 февруари од 18:00 часот.
Филмот, инспириран од познатата македонска бајка „Силјан штркот“, ја следи судбината на Никола, земјоделец, кој по тешка криза останува сам и на депонија пронаоѓа штрк со повредено крило, на кој решава да му помогне. Нивниот кревок, полека граден однос со доверба се претвора во спасоносна врска која му ја враќа смислата на животот на Никола, ги обновува врските со заедницата и ги буди старите преданија и односот кон природата.
Во документарецот, како протагонисти се појавуваат Никола Цонев, Јана Цонева, Илина Цонева, Александар Цонев, Александра Цонева, Стојче Филипов, Иле Стојковски.
Остварувањето е копродукција на американската „Конкордија“ со британската „Корнершоп“, а продуценти се режисерката Котевска, кинематограферот Жан Дакар, Јорданчо Петковски и Ана Хашми. Монтажата е изработена од Мартин Иванов. Оригиналната музика за „Силјан“ ја потпишуваат Џо Вилсон Дејвис и Хун Оукпарк, композитори од студиото на Ханс Цимер.
ИЗДВОЕНИ
Македонија во ЕУ во 2027 – историска шанса или ново разочарување?!
Од 300 евра во Чаир до 3.800 евра за квадрат во Центар – Куманово е лидер, становите таму поскапеле за 24 %
Храна со поминат рок, ориз со црви, месо со вода… им нема крај на измамите на трговците
Истрага за најмалку шестмина, кривични за 10 лица – 200 кутии сув цвет завршиле во Србија
