Познатиот турски новинар Ибрахим Хаскологлу, кој има повеќе од 1,2 милиони следбеници на мрежата X, реагираше на објавата на црногорскиот премиер Милојко Спајиќ за укинување на безвизниот режим за турските граѓани.
Спајиќ вчера напиша на својот профил на гореспоменатата социјална мрежа:
„Утре, по итна постапка, донесуваме одлука за привремено укинување на безвизниот режим за турските граѓани. За да се зачува економската активност и добрите билатерални односи, во наредниот период ќе иницираме интензивни разговори со Република Турција со цел да се најде најдобриот модел во духот на добрата соработка и сојузништвото, во најдобар интерес на двете страни“, наведе тој.
You can’t make all of Turkey pay for this. The problem is your policy.
You accepted into your country anyone involved in illegal, fugitive money-laundering and fraud operations from Turkey and never arranged for their extradition. Those types have started to take over your…
— ibrahim Haskoloğlu (@haskologlu) October 27, 2025
Хаскологлу одговори токму на оваа објава.
„Не можете да ја натерате цела Турција да плати за ова. Проблемот лежи во вашата политика. Вие сте примиле во вашата земја секој што е вклучен во нелегално перење пари, измама и бегство од Турција, а никогаш не сте организирале нивна екстрадиција“, започна тој.
„Овие луѓе почнаа да ја преземаат вашата земја, додека вие ги насочувавте приходите од нивните валкани пари назад во вашата економија. Накратко, сами ја предизвикавте оваа ситуација, а сега се обидувате да го префрлите товарот врз цела Турција за да го смирите гневот на вашите граѓани – но вистинскиот проблем се вашите политики“, напиша Хаскологлу.
