Министерството за внатрешни работи соопшти дека во демирхисарско денеска е извршен претрес во селото Ракитница каде во домот на 33-годишен жител се пронајдени дрога и оружје. Приведен е 33-годишениот М.Ш. од Битола со привремено живеалиште во демирхисарското село.
Денеска (14.05.2025), полициски службеници од Надворешната канцеларија за криминалистички работи Демир Хисар заедно со полициски службеници од Полициската станица од општа надлежност Демир Хисар го лишиле од слобода М.Ш.(33) од Битола, со привремено живеалиште во с.Ракитница, демирхисарско.
Врз основа на наредба од Основен суд Битола, извршен бил претрес во домот и помошните простории кои ги користи М.Ш. во с.Ракитница, при што биле пронајдени и одземени марихуана, дробилка, дигитална вага, воздушна пушка и дијаболи.
По целосно документирање на настанот, против лицето ќе биде поднесена соодветна пријава.
