Маж по потекло од Одеса, кој го преживеал Холокаустот, загина во терористички напад на плажата Бонди во Сиднеј во неделата, заштитувајќи ја својата сопруга со своето тело.
Според „Раша тудеј (RT)“, Александар Клајтман ја засолнил својата сопруга Лариса, со која бил во брак 50 години, за време на нападот.
Таа преживеала, додека сите истрели го погодиле него.
„Александар го преживеал Холокаустот како дете, но на крајот настрада во мирна Австралија. Тој ја засолнил својата сопруга од вооружени лица“, изјавил извор близок до Клајтман за „РТ“.
Семејството на Клајтман избегало од Одеса во 1941 година, а тој го поминал детството во регионот Кемерово, по што се преселил во Лавов.
По распадот на Советскиот Сојуз, Александар и Лариса Клајтман емигрирале во Австралија.
Најмалку 12 лица беа убиени, вклучувајќи го и еден од двајцата напаѓачи, во пукотница врз членови на еврејската заедница кои се собраа да го прослават празникот Ханука на плажата Бонди во Сиднеј денес, според најновите податоци, додека 29 лица беа повредени, објавија претходно австралиските медиуми.
ИЗДВОЕНИ
Екс правобранителот уапсен за поткуп, барал 100.000 фатен со 50.000 евра
ИСКРИЧЕЊЕТО МЕЃУ ВМРО-ДПМНЕ И ЗНАМ ОТКРИ ДО КАДЕ СМЕ СО РЕФОРМСКИТЕ ЗАКОНИ: Владината процедура заглави најмалку 14 закони
ПРЕПУКУВАЊАТА ОКОЛУ МИГРАНТИТЕ НЕ ЗАПИРААТ: Мицкоски бара Обвинителството да се позанимава со СДСМ поради ширење паника и страв
ДВИЖЕЊЕТО ЗНАМ ГО ОДБЕЛЕЖА ВТОРИОТ РОДЕНДЕН – Димитриевски: Станавме фактор на стабилност кој не дозволува уцени во владеењето
