Преживеан 75-годишник од несреќата во Лисабон го опиша хоророт: „Достигна брутална брзина, ѝ реков на сопругата – сите ќе умреме“

Португалија прогласи ден на жалост, со знамиња спуштени на половина копје, а другите жичници во градот беа затворени за инспекции.

Португалските власти ја истражуваа причината за трагичната несреќа во четвртокот на жичницата во Лисабон, популарна кај туристите, во која загинаа најмалку 16 лица, а 21 беа повредени. Остатоците од жолтиот вагон сличен на трамвај, кој превезуваше луѓе нагоре и надолу по стрмната падина во португалската престолнина, сè уште се во истата положба во која беа оставени откако вагонот излета од шините и се урна во зграда на само неколку метри од следниот вагон. Кабелот што ги поврзуваше вагоните се скина.

Жителот на Лисабон, 75-годишниот Абел Естевес, неговата сопруга и внук беа меѓу 40-те патници во друг вагон кои го видоа следниот вагон како забрзува пред да излета од шините. „Ѝ реков на сопругата: „Сите ќе умреме тука““, рече тој. „Достигна брутална брзина, нагло скршна и ја удри зградата со силен тресок“, опишува Естевес.

Португалија прогласи ден на жалост, знамињата се спуштени на половина копје, а другите жичници во градот се затворени за инспекции. Папата Лав XIV изрази сочувство и ги благослови жртвите, нивните роднини и спасувачите. Во несреќата беа повредени 38 лица, од кои 15 починаа на местото на настанот, додека едно лице почина во болница синоќа. Директорката на службите за итни случаи во Лисабон, Маргарида Мартинс, претходно изјави дека починале 17 лица.

Меѓу повредените има четворица Португалци, двајца Германци и двајца Шпанци, како и по еден од Франција, Италија, Швајцарија, Канада, Кореја, Мароко и Зелено’ртски Острови, рече Мартинс. Според градското собрание, линијата Глорија превезува околу три милиони луѓе годишно. Португалија, а особено Лисабон, доживеа туристички бум во изминатата деценија, при што посетителите го преплавија популарниот градски центар во текот на летните месеци.