Предводникот на калчо гигантот Милан, Масимилијано Алегри, ја презентираше својата пресметка за остатокот од сезоната во Серија А на прес-конференцијата пред натпреварот против Џенова.
„Лимитот за Лигата на шампионите е зголемен на 74 бода. Што се однесува до шампионската титула, мислам дека ќе биде потребно да се освојат помеѓу 86 и 88 бода“, изјави Алегри.
Неговата изјава веднаш го покрена прашањето дали таа проценка е реална, пишува „Ла Газета дело Спорт“.
Главниот предизвик за прогнозата на Алегри е застрашувачкото темпо на градскиот ривал Интер. Со 52 бода од 22 натпревар, моменталната проекција на Интер на крајот од сезоната е 89 бода..
Затоа проценката на Алегри од 86-88 бода изгледа малку оптимистичка, но можеби тој смета дека европските предизвици на Интер во Лигата на шампионите ќе земе данок напролет. Историјата е на негова страна, во последните 21 сезона шампионот освојувал просек од 88,6 поени, а никогаш помалку од 82.
Кога станува збор за борбата за Лигата на шампионите, прогнозата на Алегри од 74 бода изгледа песимистичка. Моментално, четвртопласираната Рома и петтопласираниот Јувентус имаат по 36 бода, што ги проектира на 72 бода на крајот од сезоната. Историјата покажува дека просечниот праг за влез во елитното натпреварување бил околу 71 бод. Со оглед на тоа што Милан веќе има 39 бода, пласманот во Лигата на шампионите не треба да биде ставен под знак прашалник за „росонерите“.
