Премиерлигашите повторно го одврзаа ќесето

Заврши зимскиот преоден рок во најквалитетните европски лиги, а Transfermarkt покажува дека најголемите зделки повторно беа концентрирани околу Премиер лигата. Најскапиот трансфер оваа зима го направи Манчестер Сити, кој го доведе Антоан Семења од Бурнемаут за 72 милиони евра.

Следеше уште еден скап влез во Премиер лигата. Ливерпул го доведе централниот бек Жереми Жаке за 63,6 милиони евра, кој ќе остане на позајмица во Рен до крајот на сезоната. Кристал Палас беше меѓу најактивните кога е во прашање врвот на листата. Тие го доведоа напаѓачот Јерген Странд Ларсен од Вулверхемптон за 49,7 милиони евра, по што следеше Бренан Џонсон од Тотенхем за 40 милиони евра.

Два трансфери надвор од Европа во Топ 10

Тотенхем, во меѓувреме, го доведе Конор Галагер од Атлетико за 40 милиони евра, додека Атлетико Мадрид го засили својот напад со доведување на Адемола Лукман од Аталанта за 35 милиони евра. Единственото заминување од Премиер лигата во првите десет беше враќањето на Лукас Пакета во Бразил. Фламенго му плати на Вест Хем 42 милиони евра за офанзивниот играч од средниот ред, што е една од најголемите зделки во зимата надвор од Англија.

На листата се издвојуваат уште две купувања. Ал-Хилал го доведе 18-годишниот Кадер Меите од Рен за 30 милиони евра, додека Вест Хем го купи Татио Кастељанос од Лацио за 29 милиони евра. Исто така, во долниот дел од топ 10 се најде и Фулам, кој го донесе Оскар Бобо од Манчестер Сити за 31,2 милиони евра, како и Бурнемаут, кој го купи напаѓачот Рајан од Васко де Гама за 28,5 милиони евра.

Генерално, оваа зима покажа дека англиските клубови продолжуваат да го диктираат темпото на пазарот, и дека дури и „средниот слој“ од Премиер лигата сè повеќе влегува во трансфери кои до неодамна беа резервирани само за елитните гиганти.

Список на 10-те најскапи трансфери оваа зима:

Антоан Семењо (Бурнемаут – Манчестер Сити), 72 милиони евра

Жереми Жаке (Рен – Ливерпул), 63,6 милиони евра

Јорген Странд Ларсен (Волвс – Кристал Палас), 49,7 милиони евра

Лукас Пакета (Вест Хем – Фламенго), 42 милиони евра

Конор Галагер (Атлетико – Тотенхем), 40 милиони евра

Бренан Џонсон (Тотенхем – Кристал Палас), 40 милиони евра

Адемола Лукман (Аталанта – Атлетико), 35 милиони евра

Оскар Боб (Манчестер Сити – Фулам), 31,2 милиони евра

Кадер Меите (Стад Рен – Ал-Хилал), 30 милиони евра

Рајан (Васко де Гама – Бурнемаут), 28,5 милиони евра