Данската премиерка Мете Фредериксен изјави во понеделник дека нејзината земја нема да попушти пред „неприфатливиот притисок“ од САД за контрола на полуавтономната данска територија Гренланд, предупредувајќи дека правото на самоопределување на народот на островот е доведено во прашање.
„Светскиот поредок што го градевме со генерации се соочува со предизвици како никогаш досега“, рече таа во говорот по повод Националниот ден на Данска, објави „Ројтерс“.
Американскиот претседател Доналд Трамп претходно изјави дека сака Америка да го преземе стратешки лоцираниот арктички остров, богат со минерали, од причини поврзани со националната и меѓународната безбедност, без да ја исклучи употребата на сила за постигнување на таа цел, потсети агенцијата.
Фредериксен додаде дека Гренланд и Данска биле изложени на неприфатлив притисок од нивниот најблизок сојузник во последните месеци.
Потпретседателот на САД, Џ.Д. Венс, за време на посетата на Гренланд во март, ја обвини членката на НАТО, Данска, дека не прави доволно за безбедноста на островот и предложи САД подобро да го заштитат.
ИЗДВОЕНИ
Се враќаат дома! Последните двајца пациенти повредени во пожарот во Кочани по лекување во Србија се отпуштени од КЦС
Охрид SOS: Огромен објект никнува во Охридската чаршија, овде секој прави што сака!
Раздавање за душите, жед за правда – Кочани ја одбележува најтажната задушница
Онкологија во сенка на скандалот – лекови стигнуваат, но довербата не се враќа
