Прекинат воздушниот сообраќај во Вашингтон поради „неодредена безбедносна загриженост“

Федералната администрација за воздухопловство на САД (FAA) нареди прекин на воздушниот сообраќај на Националниот аеродром „Роналд Реган“ во Вашингтон во понеделник, по пријава за закана за авион на „Јунајтед ерлајнс“.

FAA соопшти дека сите операции на Националниот аеродром во Вашингтон се прекинати поради „неодредена безбедносна загриженост“, објави „Ројтерс“.

Аеродромот соопшти дека операциите се во мирување, додека патниците на летот на „Јунајтед“ се однесени до терминалот со автобуси.