„Преговорите можат да се одвиваат и без нив“: Трамп вели дека крајот на војната меѓу Русија и Украина е блиску

Американскиот претседател Доналд Трамп денес изјави дека верува оти е близу до постигнување договор за прекин на војната меѓу Русија и Украина.

Во разговор со новинарите во Овалната соба, Трамп, според Ројтерс, рече дека верува оти страните се „многу блиску“ до договор, без да даде дополнителни детали.

Американскиот претседател, исто така, рече дека преговорите меѓу Русија и Украина би можеле да се одржат без учество на специјалниот претставник на САД Стив Виткоф и неговиот зет Џаред Кушнер.

„Личен апел од претседателот Трамп“
Портпаролот на Кремљ, Дмитриј Песков, изјави дека Русија се согласила да се воздржи од напад врз Украина до 1 февруари во согласност со барањето на американскиот претседател Доналд Трамп.

– Москва се согласила со барањето на американскиот претседател Доналд Трамп да се воздржи од напад врз Украина до 1 февруари со цел да се создадат поволни услови за преговори. Зборуваме за создавање поволни услови за преговори… Да, секако, имаше личен апел од претседателот Трамп – рече Песков, како што објави агенцијата РИА Новости.

Трамп вчера изјави дека лично го замолил Путин да не го напаѓа Киев и голем број други градови во Украина поради екстремниот студ во наредната недела.