Бугарија ќе одржи нови предвремени парламентарни избори на 19 април, објави денес претседателката на земјата, Илијана Јотова.
Минатата недела, Јотова го назначи Андреј Ѓуров, заменик-гувернер на Бугарската народна банка, за шеф на привремена влада задолжена за подготовка на нови парламентарни избори, осми во земјата-членка на ЕУ и НАТО за пет години, објави Ројтерс.
Претходната влада поднесе оставка на 11 декември по неколку недели улични протести поради нејзините економски политики и неуспехот во борбата против корупцијата.
„Ќе издадам декрет со кој ќе се распишат избори за 19 април“, објави Јотова денес на прес-конференција.
Бугарија, која се приклучи на еврозоната на 1 јануари, се соочува со долгорочна политичка нестабилност со фрагментиран парламент кој не успеа да формира стабилни владини коалиции.
ИЗДВОЕНИ
Полесно е да платиш отколку да се жалиш – борба со „Безбеден град“ за докажување невиност
Земјоделец со два декари лозје, две крави и дваесет кози нема да добие субвенција
Колку чини куќа под кирија – Македонија најприфатлива, Хрватска најексклузивна
Паднаа првите притвори во Македонија за марихуаната фатена во Србија
