Градоначалникот на Општина Центар, Горан Герасимовски, денеска беше дел од предновогодишниот концерт во градинката „Корчагин“ – објект „Пинокио“, каде што дечињата од објектите „Пинокио“ и „Палешка“ со искрена радост и насмевки посакаа добредојде на Новата 2026 година.
-Со специјално подготвена приредба заедно со учениците од музичко балетскиот училишен центар „Илија Николовски Луј“ под водство на професорката Маре Видевска, со традиционални новогодишни композиции, сценски точки и празничен дух, најмладите упатија новогодишни честитки и желби до најблиските, и до најомилениот лик, дарежливиот Дедо Мраз – соопштија од Општина Центар.
Оттаму до даваат дека Герасимовски ги поздравил децата, родителите и вработените, им заблагодарил за прекрасниот концерт, а најмладите ги израдувал со новогодишни пакетчиња.
-Детската насмевка е најубавиот украс на празниците. Како градоначалник на Општина Центар, останувам целосно посветен на создавање услови за среќно детство и правилен развој на нашите најмили. Така било и така ќе остане – порача Герасимовски.
