Пред нас е поларна ноќ со -20 степени

Територијата на Македонија во текот на оваа ноќ ќе потпадне под уште поладна и поларна воздушна маса од север која дополнителнмо ќе ги спушти температурите на воздухот а исто така облачноста ќе се намали но ќе продолжи да дува повремено засилен ветер од северен правец, најави Славчо Попоски.

Утре изутрина ќе биде екстремно ладно во Македонија со температури кои ќе се спуштаат во интервалот од -17 до -5 степени а во планинските места температурите очекувам да се спуштат и до -20 степени. Во Скопје наутро температурата ќе се спушти до околу -10 степени.

Многу ладно ќе биде и преку денот со температури кои ќе останат под нулата, односно преку денот температурата ќе се искачува во интервалот од -7 до 1 степен.  Во Скопје температурата во текот на денот ќе се искачи до околу 0 степени.

Поради екстремно ниските температури оваа ноќ, Попоски очекува и појава на силни мразеви и на голомразица по патиштата, па токму поради ова апелирам возачите да бидат крајно внимателни како управуваат со своите возила.