Железници на Македонија првпат оваа година се вклучуваат во празничните случувања во пресрет на Новата година, со воведување специјално украсен новогодишен воз.
– Празничната магија на шините продолжува. До 30 декември, секој ден, на железничката станица во Скопје, ве очекуваат новогодишни претстави, по чие завршување новогодишниот воз тргнува на празнично патување на релација Скопје – Маџари – Скопје – соопштија од Железници.
За сите оние што сакаат само уживање во возењето и во празничната атмосфера е обезбедено и дополнително само возење во 18:00 часот, на истата релација.
