По неколкумесечни напнати преговори, Соединетите Американски Држави и Украина потпишаа договор со кој на Вашингтон му се дава пристап до клучните украински минерали и други природни ресурси.
Договорот потпишан во средата сега чека ратификација од украинскиот парламент, а Украина се надева дека овој договор ќе обезбеди долгорочна американска воена помош и поддршка во повоената реконструкција на земјата.
Според украинските власти, овој потпишан договор е многу поповолен за Украина од претходните верзии кои, како што тврдат, ја сведоа Украина на статус на помал партнер и на САД им доделија невидени права на украинските ресурси.
Овој договор е насочен кон економска обнова на Украина, која, според очекувањата, треба да ја зајакне украинската економија и да обезбеди долгорочна поддршка на САД во воената борба против Русија, како што пишува AP.
Договорот опфаќа минерални суровини, вклучително и елементи од ретки земји, но и други важни ресурси како нафта и природен гас. Сепак, тоа не ги вклучува оние ресурси кои веќе и носат приход во Украина. Украина ќе ја задржи целосната сопственост на ресурсите, додека двете страни ќе имаат подеднакво влијание врз управувањето со фондот за реконструкција. Украина, исто така, ќе инвестира 50% од сите идни профити од ресурсите во фонд за реконструкција, додека САД ќе придонесат во форма на финансиски средства и опрема, вклучувајќи ги неопходните системи за противвоздушна одбрана и друга воена помош.
Договорот, исто така, воспоставува фонд за обнова на Украина, во кој двете страни ќе имаат подеднакво влијание врз нејзината администрација. Украина се надева дека овој фонд ќе привлече инвестиции и технологија од САД и другите западни земји, обезбедувајќи дополнителни средства за обнова на инфраструктурата, рударството и енергетскиот сектор.
Иако претходните преговори за овој договор наидоа на пречки, вклучително и скоро потпишување на претходната верзија која вклучуваше огромна компензација за САД, Украина ја отфрли понудата што би ја оптоварувала Украина со долгови со генерации. Украинскиот претседател Володимир Зеленски истакна дека ова е „победнички“ договор за Украина бидејќи обезбедува автономија во одлучувањето за нејзините природни ресурси, а во исто време ја носи потребната поддршка во обновата на земјата.
Договорот вклучува и ретки елементи од земја, кои се клучни за производство на технологија, батерии и електрични возила. Кина во моментов е најголемиот светски производител на овие елементи, поради што и САД и Европа сакаат да ја намалат нивната зависност од Пекинг. Меѓу минералите споменати во договорот се лантани, цериум и скандиум, кои се неопходни за производство на потрошувачка електроника и еколошки технологии.
Со сите овие компоненти, договорот е клучен за иднината на Украина, бидејќи претставуваат основа за стабилна и сигурна економска и воена соработка со САД, а се во контекст на војната против Русија. Иако ресурсите на Украина се во голема мера неискористени, земјата поседува богати резерви на титаниум и литиум, минерали важни за индустриите како што се воздушната, медицинската и автомобилската индустрија. Украина е позната и по големите резерви на литиум, кој е клучен за производството на батерии, стакло и керамика.
И покрај предизвиците од руската окупација и војна, Украина го гледа овој договор како начин да обезбеди долгорочна стабилност и реконструкција, истовремено зајакнувајќи ја својата позиција на глобалниот пазар на минерали.
