Бројот на жртви во пожарот во Хонг Конг се искачи на 65, со 70 повредени и повеќе од 300 исчезнати лица, соопштија денес локалните власти.
Во соопштението се вели дека се подготвува официјално барање до Пекинг за помош и поддршка, како и дека е обезбедено привремено сместување за преживеаните со финансиска отштета.
BREAKING: At least 36 people have died, and 29 others are hospitalized, after a massive fire engulfed several high-rise residential towers, with around 279 people still reported missing in Tai Po District, Hong Kong, China. pic.twitter.com/yssKLDdXV5
— Weather Monitor (@WeatherMonitors) November 26, 2025
Генералниот секретар на администрацијата, Ерик Чан, изјави дека ќе се спроведе „сеопфатна истрага“, вклучувајќи кривична истрага од страна на полицијата, како и истрага од страна на локалното Министерство за домување за тоа дали заштитниот материјал на надворешните ѕидови на зградата ги исполнува стандардите за гаснење пожари, јавува Би-Би-Си.
Главниот извршен директор на Хонг Конг, Џон Ли, изјави дека пожарот во сите седум згради од комплексот Ванг Фук Корт е „во голема мера под контрола“, но дека спасувачките екипи сè уште работат на терен.
Во исто време, портпарол на кинеското Министерство за одбрана изјави дека кинескиот воен гарнизон во Хонг Конг ќе „го заштити градот и ќе дејствува според наредбите“.
Властите во Хонг Конг, исто така, објавија обезбедување на околу 1.800 станбени единици за раселените жители, како и еднократна парична помош од 10.000 хонгконшки долари по домаќинство (околу илјада евра).
