Пожар беснее на грчкиот остров Хиос во Егејското Море веќе 48 часа, ширејќи се на три фронта. Од утрово властите испратија две СМС предупредувања за превентивна евакуацијана на подрачјата Реста и Агија Параскеви во Кариос, објави „Катимерини“. Од утрово пожарникарите повторно ги гаснат пожарите.
Утрово канадерите повторно беа испратени, а дополнителни противпожарни сили беа донесени на островот со брод од атинското пристаниште Пиреја.
Во гаснењето на пожарот моментално се вклучени 190 пожарникари, 38 возила и четири авиони, но се очекуваат дополнителни засилувања. Од неделата се евакуирани уште петнаесет населени места, и тоа Агиос Маркос Вронтадос Кариес, Варваси, Еврети, Вавилои, Дафнонас, Верверато, Калкио, Василеонико, Гроу, Зифиас, Агиос Макариос Вронтадос, Агиос Пагина, Агиос Панамаит, Џиајаос.
Тим од Дирекцијата за противпожарна заштита (ДАЕЕ) е на Хиос, по наредба на началникот на Државната противпожарна служба, генерал-потполковник Теодорос Вагиас, за да ги истражи причините за пожарот, во соработка со Службата за државна безбедност на грчката полиција (ЕЛАС), објавува „Катимерини“.
ИЗДВОЕНИ
Кубуриме со пожарникари и со „крпени“ олдтајмери гаснеме пожари
Во прашање се часови кога блок 2 на РЕК „Битола“ ќе почне повторно да произведува струја
За работниците со минималец, просечната плата е недостижна
МНР: Потврдена евакуација на четири лица, мајка и три деца утре летаат од Тел Авив до Атина
