Бројките покажуваат дека во периодот од јули 2024 до јули 2025 година, порастот на реалната плата е 6,7 проценти, велат од ВМРО-ДПМНЕ.
– Во периодот од јули 2024 до јули 2025 година просечната стапка на инфлација е 3.6%, додека во период од јули 2017 до јули 2024 година, просечната стапка на инфлацијата е 4.8%. Овие бројки јасно покажуваат дека стопанството се развива, инфлацијата е стабилизирана и под контрола, платите растат, граѓаните имаат повеќе пари и живеат подобро – се нагласува во партиското соопштение.
По порастот на БДП во првиот квартал, премиерот Христијан Мицкоски очекува тој да продолжи во вториот и во третиот квартал
Добро проектираните економски мерки и политики на Владата, ги даваат посакуваните резултати, порачува ВМРО-ДПМНЕ во писменото соопштение до медиумите. Оттаму велат дека полека, но сигурно, почна стабилизирањето и заживувањето на економијата, расте производството, се зголемуваат платите, се намали инфлацијата, се зголемуваат потрошувачката и куповната моќ на граѓаните.
– Тоа покажува дека сега, споредено со периодот на власт на СДС, граѓаните имаат повеќе пари и со тоа купуваат повеќе. Дека е така, потврдуваат и економските експерти кои велат дека како резултат на повисоките плати и пензии, се зголемува личната потрошувачка на граѓаните. За една година власт на ВМРО-ДПМНЕ, реалната плата двојно порасна, отколку за седум години власт на СДС – велат од ВМРО-ДПМНЕ.
Бројките покажуваат дека во период од јули 2024 до јули 2025 година, порастот на реалната плата е 6,7 проценти, додека во периодот на власт на СДС од јули 2017 до јули 2024 година, порастот бил само 3,5%.
– Реалната плата е вистинската куповна моќ на платата, значи не е номинален износ, туку вредносен. Од друга страна, споредено за истите овие периоди, инфлацијата е намалена за цели 30%. Во периодот јули 2024 до јули 2025 година просечната стапка на инфлација е 3.6%, додека во период од јули 2017 до јули 2024 година, просечната стапка на инфлацијата е 4.8%. Овие бројки јасно покажуваат дека стопанството се развива, инфлацијата е стабилизирана и под контрола, платите растат, граѓаните имаат повеќе пари и живеат подобро – се нагласува во партиското соопштение.
И министерката за финансии, Гордана Димитриеска-Кочоска, деновиве изјави дека по подолг период економијата закрепнува. Таа посочи дека во периодот од јули 2024 година до јуни 2025 година, просечниот пораст на нето-платата во Македонија изнесува 10,1%.
– Поразително е што и ваквиот пораст е во најголема мера резултат на драматичниот пораст на цените, којшто беше меѓу највисоките во регионот и Европа. Доколку се исклучи ефектот на порастот на цените, просечниот пораст на реалната нето-плата изнесуваше само 3,5%, и покрај потрошените милијарди евра за справување со кризите и наводно зачувување на животниот стандард. За споредба, во периодот од јули 2024 година до јуни 2025 година, реалниот пораст на платите, оној од кој се исклучени ефектите од цените, изнесува 6,4%, односно е речиси 3 процентни поени повисок во споредба со претходната власт. И доколку се гледа синдикалната минимална кошничка, во мај 2024 година просечната плата покривала 68,7% од кошничката, додека во јуни 2025 година нејзината покриеност изнесува 70,3% – изјави Димитриеска Кочоска.
По порастот на БДП во првиот квартал, премиерот Христијан Мицкоски очекува тој да продолжи во вториот и во третиот квартал.
– Позитивни резултати има во сите главни економски сектори – земјоделството, туризмот, извозот и индустриското производство. – Првиот месец од третиот квартал, јули, во градежништвото имаше огромна реализација и динамика на капитални проекти. Најмногу радува порастот во преработувачката индустрија, која носи најголема додадена вредност – вели Мицкоски, кој смета на солиден пораст на БДП во вториот квартал од 3,2 проценти.
