Повеќето не знаат колку треба да нанесат – дерматолог советува: За да имате ефикасна заштита од сончевите зраци, еден „шот“ oд кремот за сончање е препорачливата количинa/ВИДЕО

Познат доктор откри колкава количина од кремот за сончање е неопходна за правилно да се заштити кожата од штетно зрачење. Дерматологот Скот Вокер сподели важни совети за правилна употреба на крем со заштитен фактор на плажа.

Многу луѓе не знаат колкава количина од кремот за сончање да нанесат
Скот објасни дека повеќето луѓе всушност штедат на крема за сончање, поради што не ја добиваат целосната заштита што ја ветуваат производите. крема за сончање на плажа, пишува „Мирор“.

– Повеќето луѓе не го прават тоа, па затоа SPF-от наведен на пакувањето всушност не е оној што го добиваме ние. Никој не нанесува доволно крем, што беше потврдено во една студија во скијачки центар, каде што на скијачите им дадоа SPF 50 или SPF 100 и им рекоа да го користат како и обично – додаде тој.

Резултатите од студијата покажаа дека оние кои користеле SPF 50 имале поголема веројатност да се изгорат од сонце.

– Заклучивме две работи. Треба да нанесуваме повеќе крема за сончање, а повисок SPF може да биде корисен, особено кога ќе бидеме надвор цел ден. Кремата за сончање не е совршена. Најважната заштита е физичката заштита од сонцето, односно барање сенка и носење облека со UPF заштита (фактор на ултравиолетова заштита – рече тој.

Правилна примена на крема за сончање
Според NHS (Британска национална здравствена служба), возрасните треба да нанесат околу шест до осум лажички крема за сончање за да го покријат целото тело.
„Ако нанесете премалку, тоа нема да ве заштити доволно од сонцето. Ако сте загрижени дека можеби не користите доволно SPF 30, подобро е да изберете крема со повисок фактор на заштита. Ако планирате да бидете на сонце долго време и постои ризик од изгореници од сонце, кремата треба да се нанесе двапати – првиот пат 30 минути пред да излеземе надвор, а вториот пат непосредно пред да излеземе надвор“, предупредува NHS.

Кремот за сончање треба да се нанесува на целата изложена кожа, вклучувајќи го лицето, вратот, ушите и, ако немате коса, на врвот од главата. Сепак, носењето шапка со широк обод обезбедува уште подобра заштита.

„Кремата за сончање треба да се нанесува често и обилно, во согласност со упатствата на производителот. Ова вклучува нанесување веднаш по пливање, дури и ако кремата за сончање е водоотпорна, и по бришење со крпа, потење или триење. Се препорачува повторно нанесување на секои два часа, бидејќи сонцето може да ја исуши кремата за сончање и да ја отстрани од кожата“, велат од NHS.