Повеќе од 100 домови се уништени во масивен пожар во Норвешка – пожарникарите на терен и утрово во обид да го стават под контрола

Повеќе од 100 домови беа уништени во масивен пожар што избувна вчера во јужна Норвешка, а стотици луѓе мораа да ја напуштат областа, објавија норвешките власти и јавниот радиодифузен сервис NRK.

Пожарот избувна вчера околу 15:30 часот во населбата Крокстаделва во Драмен, град на околу 34 километри југозападно од Осло. Пожарот започна во низа куќи, а потоа се прошири на околното подрачје и блиската шума.

Според норвешките медиуми, неколку стотици луѓе беа испратени во центар за евакуација. Локалните медиуми објавија дека повеќе од 400 луѓе се евакуирани, а пожарникарите продолжија да го гаснат пожарот во текот на целата ноќ.

Полицијата објави дека досега не е пријавен ниту еден исчезнат жител. Причината за пожарот сè уште не е позната.

Пожарот се прошири од станбена зона кон блиската шума, што го отежнуваше гаснењето. Бројни пожарникари учествуваа во операцијата, а норвешките медиуми објавија дека за гаснење на пожарот биле користени и хеликоптери.

Пожарникарите сè уште работеа утрово за да го стават пожарот под контрола. Според првичните информации, штетата е голема, а голем дел од погодената област е целосно уништен.

NORWAY: Multiple homes and surrounding terrain are burning in a large wildfire in the Krokstadelva area near Drammen, officials say; residents report hearing explosions. pic.twitter.com/5iphO8OSoP

— AZ Intel (@AZ_Intel_) July 17, 2026