Повеќе од 100.000 хектари претворени во пепел за 24 часа во Грција

Повеќе од 100.000 хектари земјиште се претворија во пепел во последните 24 часа поради пожарите што избувнаа низ цела Грција, објавува „Катимерини“.

Пожарите избувнаа на островите Хиос и Закинтос, како и во градовите Превеза, на северозапад од земјата, и Ката Ахаја, на запад од земјата.

Според анализата на сателитските податоци од европскиот механизам Коперникус ЕМС, спроведена од грчкиот Метео, до вчера во 12:40 часот, на Хиос изгореле приближно 42.466 хектари, на Закинтос 22.941 хектари, на Превеза 26.368 хектари и на Долна Ахаја 9.220 хектари.

Грција и другите медитерански земји се меѓу таканаречените „жаришта на шумски пожари“ поради високите температури и сушните летни периоди, предупредуваат научниците.